چت رومclose
کلمات اصیل لری را در اینجا بنویسید یادگار - پاسخ 3

زمان جاری : پنجشنبه 30 خرداد 1398 - 3:27 قبل از ظهر
نام کاربری : پسورد : یا عضویت | رمز عبور را فراموش کردم



aliali100 آفلاین

ارسال‌ ها135
عضویت20 /10 /1390
سن: 30
تشکرها17
تشکر شده4
پاسخ : 3 RE کلمات اصیل لری را در اینجا بنویسید یادگار

دیرم آبیدی و دل ورچمس از نو چه کنم / آسمون من سرم انگاررمس از نو چه کنم

رگلم یخ زه و خینم، رچس از نو چه کنم /گل باغم و تغرسی تکس از نو چه کنم

کمرم بهرس و دل جا زه و شونم افتا / چه کنم درد بدی بی که و جونم افتا

ور پهلی بنیو زخم تبر سنگینه / داغ ورکندن بایم و لتر سنگینه

بی تو رفتن به خدا تا دم در سنگینه / یه دمون دیر تو بیدن چقذر سنگینه

چه کنم های و ای داغ دل ودرد گرون / واتریبو و تیم خرس همیتو دوفرون

چه کنم های که تیفون بلا ول کن نی/ لجن وابیده همی جا و خلا ول کن نی

باغ وابیده بیابون و قلا ول کن نی / من سینش ندرایی و صلا ول کن نی

غیر باد آکپنیم ار من سینش ندریم/ باید وابیم و تش و هیچ د من تش ندریم

تا که هر چی سگه و سوتکه وی مندکه یه / نوریسیم کله مون و پس معرکه یه

کارمون شیون و کز کردن و لردکه یه / تا قیومت دلمون های و لرزه و چکه یه

نوریسیم خوراک سگ و توره ویبیم/ رهنه ایبندن اریمون و ده بی ره وییم

زمسون تازه و همکاری دندون آوی / از همو لحظه که ای باغ بیابون آبی

گل هف زرده که آمخت تلکدون آبی / شوپر کور یه پا مرغ غزل خون وابی

خبری تازه و او چه چه بلبل نیسی / یه پچه عشوه و دور تیل گل نیسی

یه چه بدبختی هی پشت و افتو کردن / بی شو و شوپرک شوک شل ایطو کردن

جر خل کردن و چو خردن و بوبو کردن / گل نشکفته ی باغینه هلی هو کردن

مث ماگی گورش مرده چنه بوره زدن / کنده غم و بغل کردن و هی کوره زدن

زیر کومه دلتم روتش بی دید وری / کم بگو بخت مو چی بخت توخوسیده وری

سر تلکدون گل هف زردنه کی دیده وری / دس اری دس نهادن چه منش بیده وری

کو وری تا یکی وابیمو یه گالی بزنیم/ دو سه تا پیک شراب دو ساله ی بزنیم

تانکن کر غره وابیده یهو من گل وشل / وازنیمون بلی و بایم سر جای کره تل

تا بپیچه من ده مثل ناس ، ساز و دهل / غاچ و دمبیل و ملو سر بکشن تا سر تل

تارو وردار و نو تنگسه وگو بازی / داوتی رو بگره ، رو بگره هچو بازی

تا بفهمن هنی زنده و من مال هسی / تیلیل تازه پرو کرده من ای چال هسی

پازن ووه خور و کره ی کرچال هسی / آرشی که بزنه تیرشه من خال هسی

تا بفهمن که نییبو سر روزه بری / خاری و باده و اوریشم من دو زه بری

تا بفهمن که کله نیتره ماله بخره / موری بال دراورده بلاله بخره

زهلی نحس و نجس خین شکاله بخره / پخشه غوز آبو و کوگ من باله بخره

تا بفهمن زر خلمر چه تش و تنگی هه / پس ای هیچ نگفتن هنی هم بنگی هه

دیگه انتظاری از هیچکی تو دنیا ندارم ، خودمم شاید یه روز خودم رو تنها بذارم
پنجشنبه 15 تیر 1391 - 10:26
ارسال پیام نقل قول تشکر گزارش




پرش به انجمن :

http://s2.picofile.com/file/7153490000/ghavanin.gif